comment 0

Universidade: A alternativa possível

Ao fio do acontecido esta fim de semana, recupero aqui um post escrito no meu anterior blogue com motivo das eleiçons universitárias de Dezembro de 2008. Coido que agora também haverá que pensar nisto na nova etapa do nacionalismo universitário: 
Mais umhas eleiçons na Universidade. Estudantes, professores e PAS a escolher os seus representantes na limitada democracia universitária. Alem dos resultados da quarta-feira, alem do número de representantes de cada organizaçom, plataforma ou “chiringuito”, seguimos sem ter umha verdadeira alternativa.
Longe fica já aquela Alternativa da Universidade Galega (AUGA), encabeçada nos anos 80 por Beiras. Um projecto integral, formados polos três sectores e com vontade para mudar as cousas. Nom ganhou, e a iniciativa esvaeceu no devir da vida institucional universitária.
Muito mudou o panorama nestes anos. Mais universidades, mais faculdades, mais professores, mais PAS… e menos estudantes. Hoje estamos diante dum dos maiores ataques ao ensino público: a implantaçom do Espaço Europeio de Educaçom Superior (EEES), ou Processo de Bolonha. Esta reforma, ante a que alguns nom soubemos reagir, agravará a situaçom dumha Universidade dividida, de costas a sociedade e a si mesma, corrupta e endividada.
Mentres, cada um de nós está cómodo na sua parcela de poder, na sua ilha ou no seu despacho. Estamos ao lado e nom nos miramos. Quanto seguiremos assim? Os estudantes permanecemos mui pouco tempo na Universidade (uns menos que outros), polo que nom acadamos experiência abonda para conhece-la bem. Mais professores e PAS si a conhecem bem.
Só quando os que sabem e os que nom sabem mas som muitos com anseios de câmbio sejam quem de juntar-se as cousas começaram a mudar. O nacionalismo debe reagir e volver dar a batalha num campo onde sempre tivo umha presença especial, porque a Universidade é um piar básico do desenvolvimento do nosso país e na actual situaçom corre o risco de ficar mutilado. Juntemo-nos, falemos, luitemos e construamos juntos o futuro, porque a alternativa é necessária, mas também é possível.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s