comment 1

O estudantado denuncia

Comunicado de imprensa feito público hoje por um grupo de estudantes que decide marchar dos Comités ante as carências democráticas de esta organiçom:

A Coruña, 26 de febreiro de 2011

Un grupo de membros dos Comités queremos facer chegar a seguinte información:

Hoxe, 26 de febreiro de 2011 está tendo lugar a Asemblea Nacional dos Comités, á que están convocados os membros da organización de todo o país.

Un grupo de membros dos Comités das tres universidades galegas, de diferentes idades, traxectorias e inquedanzas, vimos participanto do proceso que conduciu a esta Asemblea Nacional, participando nos debates internos nos organismos correspondentes, así como o fixemos desde o nacemento dos Comités no mes de maio de 2008 (unión dos antigos CAF, Comités Abertos de Facultade; e CAE).

Durante este proceso asemblear, observamos con preocupación como NON se garantiron uns mínimos democráticos que consideramos esenciais para o bo funcionamento dos Comités, entre os que salientamos:

  • Purga de membros da organización (mediante o eufemismo de “non recoñecemento como membros de pleno dereito para o proceso asemblear”), por parte dos organismos nacionais, para evitar a posibilidade dun cambio de maiorías nos organismos de dirección a escoller na Asemblea Nacional.
  • Vulneración flagrante do regulamento asemblear aprobado polos Consellos Nacionais, facultándose o Consello Nacional a convocar unha Asemblea de Campus de debate de textos fóra do prazo marcado polo propio Consello Nacional.
  • Usurpación de funcións aos campus e ás súas responsabilidades: permitiuse que o Consello Nacional de Universidade convocase ata 2 veces a Asemblea de Campus de Compostela, cando isto non aparece reflectido en ningún regulamento ou tese da organización.
  • Imposibilidade de membros dos Comités de asistir ás reunións dos Consellos Nacionais, cando unha característica esencial que define a nosa organización é o “aperturismo”.
    Secuestro do censo de asembleístas: só unha parte da organización ten pleno acceso aos mesmos, concretamente, aqueles membros que militan na Unión da Mocidade Galega, UMG, xuventudes da UPG, que teñen a maioría nos organismos nacionais.
  • Violación de principios éticos: acceso a unha conta de correo electrónico dun membro da organización e publicación en Internet de datos e conversas privadas de compañeiros, feito que constitúe un delito informático.
É por iso que anunciamos ao seu medio que desbotamos a participación neste proceso asemblear e abandonamos os Comités. Seguiremos traballando, tal e como o fixemos ata o día de hoxe, no movemento estudantil nacionalista.

Mais informaçom em O estudantado denuncia. Como estudante galego que som e exmilitante dos CAF/Comités non podo deixar de apoiar-vos na distância. A diáspora está convosco companheiras e companheiros!

1 Comment so far

  1. Os CAF ese ninhada de trepas que dia a dia vam perdendo o pouco crédito que lhe quedava, se é que lhe quedava algum.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s