comment 0

Los imperfeccionistas, de Tom Rachman

Antes de vir a Barcelona, um grupo de moi boa gente agasalhou-me com, entre outras cousas, o livro Los imperfeccionistas, de Tom Rachman, editado por Ediciones Plata  e do que também há versom em catalám. Desconhecia o autor e a obra, mas acertarom de pleno.

Rachman conta o auge e queda dum jornal escrito em inglês editado desde Roma através das histórias pessoais dos e das suas jornalistas para compor umha grande narraçom sobre o acaso da imprensa em papel. Estas desastrosas e desequilibradas vidas amossam os efeitos que pode chegar a produzir nas pessoas  trabalhar nun meio que obriga a viver ao dia, coa hora de feche como guilhotina do seu lavor.

Porém, e apesar desta realidade da que cumpre sermos conscientes, este livro também recolhe as ganas e a capacidade por seguir adiante, contando histórias ali onde ocorrem e aprendendo com cada reportagem a entender algo melhor o mundo. Baixar a rua, saber que lhe ocorre a gente e como explica-lo de forma atractiva, compressível e rigorosa. Ir, ver e contar, senhores. Umha novela sobre as melhores essências do jornalismo, que a incapacidade das empresas do sector de adapatar-se ao cenário digital pom (ainda mais) em perigo.

Nom creio que estea pensado para isso, mas pode servir de livro de auto-ajuda se em qualquer momento algum de nós tem umha crise vocacional e necessita volver a recuperar a ilusom polo jornalismo. Ou para nom perder os folgos em tempos de dificuldade, nos que desenvolver com um mínimo de dignidade o lavor do testemunhas do nosso tempo, como diria Indro Montanelli, semelha mais complicado que nunca.

Um livro que recolhe o melhor e o pior dos que amamos esta profissom, ainda em tempos de crise.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s