comment 0

Malos fumes em Barcelona

El País

Assim vemos estes dias o ar de Barcelona. Melhor dito, por culpa deste ar quase nom vemos Barcelona. Em Madrid está a ocorrer o mesmo.

Que sucede? Que nom há movimento na atmosfera por culpa de um anticiclom e toda a puluiçom fica sobre a cidade. Nom é que se produza mais, senom que se acumula, e fai-se palpável o grao de poluiçom das grandes urbes. Muitos meios alertam de que as meirandes cidades  do Estado Espanhol superam os límites máximos estabelecidos pola Uniom Europea para vários contaminantes. Mas o  nom se di que em certos casos estes límites som inferiores aos recomendados pola Organizaçom Mundial da Saúde.

Um dos contaminantes “disparados” estes días é o dióxido de nitrógeno (NO2). Este gás origina-se em processos de combustom (como nos motores dos veículos) e afecta ao aparelho respiratório e pode provocar pneumonia e bronquite. Estes som os dados de ontem da estaçom de Barcelona-Eixample (o centro da cidade), da Xarxa de Vigilància i Previsió de la Contaminació Atmosfèrica de Catalunya (XVPCA):

É precisamente nas horas de maior transito quando aumenta p nível deste gás até concentraçons moi superiores ás permitidas por lei. Neste caso coincide com o fixado pola OMS, mas nom ocorre o mesmo com as partículas em suspensom. Este conceito abrange aquelas substancias de tamanho inferior a 10 micras que se atopam na atmosfera. O seu reduzido tamanho permite que penetrem no sangue através dos pulmons. Os dados de ontem eram estes:

A concentraçom de partículas no ar só supera o límite legal umhas poucas horas, mas se tomamos como referência as recomendaçons da OMS, a situaçom semelha muito mais preocupante. Mentres, os políticos preferem berrar uns contra os outros (há eleiçons municipais em maio) no canto de que alguém se preocupe por atalhar a poluiçom e as suas consequências.

Na Galiza também temos este tipo de problemas, se bem dumha forma muito mais leve. Quem queira atopar algo mais de informaçom, o Informe sobre a calidade do aire en Galicia (PDF), publicado por Verdegaia, é umha boa ferramenta. Os dados sobre os contaminantes estám colhidos da web da Xunta.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s