comment 1

Acabou a boa vida

Hoje começam as aulas do máster e remata a boa vida destes semanas em Barcelona. Mais de seis meses após a derradeira liçom de jornalismo em Compostela, volto as aulas, mais com ganas e ilusom (a ver se agora aprendo algo na universidade). Estes dias forom de um turisteo incessante. Muitas horas passeando, vendo museos e conhecendo a cidade. O MNAC, o Museu Picasso, o Egípcio, o de História de Catalunya… e alguns mais.

Entre museu e museu, entre vista turística e caminhadas pola beira do mar, aos poucos aprendo a mover-me por Barcelona. Será que com um sistema público de transporte integrado e que funciona (com os seus problemas, mas funciona) todo é muito mais doado. Nos descanso, umha olhada a umha imprensa variada, tanto em linhas editoriais como em formatos e desenho gráfico. Ara, La Vanguardia, a ediçom catalá de El País… Muito mais plurais e com mais facilidades para atopar informaçom na língua própria, ainda que também há problemas ante a hegemonia do castelhano. 

Um companheiro inestimável nestes primeiros dias foi o o libro La ciudad de los prodigios de Eduardo Mendoza (a quem muitos conhecimos através de La verdad sobre el caso Savolta). Com a história de Onofre Bouvila fum descubrindo aos poucos recunchos e monumentos desta cidade da que cada dia gosto máis. Outra inestimável companhia é a de Silvio Falcón, galego-catalam que se esforça por que os recem chegados do pais nos sintamos coma na casa numha cidade que a acolhe a varias geraçons de emigrantes, mentres mantém umha actividade político-cultural frenética.

E nom sei se será cousa de Silvio, da cidade, ou do sol que um colhe folgos de novos, recupera a ilusom perdida em batalhas inúteis e renacem as ganas de cambiar o mundo. Mais nom adiantemos acontecementos, e a ver como vai a cousa a partir de hoje.

1 Comment so far

  1. Ilusión é o que da Barcelona! 🙂

    Moitas grazas pola mención e os meus mellores desexos para a túa andaina nesta beira mediterránea, Santi! 😀

    Unha aperta moi grande!

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s