comment 0

As temperaturas de Compostela

Neste dias de intenso frio, e ao fío da COP-16, falemos de temperaturas. Agora que a Agencia Estatal de Meteorología espanhola liberou os dados de todas as suas estaçons meteorológicas é possível aceder á evoluçom de muitas variábeis ambientais desde os anos 40 (polo menos no caso de Compostela). A rede de Meteogalicia é moi recente e nom permite retroceder moitos anos atrás.

Este gráfico recolhe a evoluçom da temperatura meia anual desde 1945 até o que levamos de 2010 (obviamente este Dezembro fará baixar a meia) feito a partir dos dados mensais recolhidos por umha estaçom meteorológica próxima ao aeroporto compostelano. Para comprovar a variabilidade do clima cumpre analisar longos períodos de tempo, mas coido que estes 65 anos podem mostrar umha tendência clara cara anos cada vez mais cálidos.

Segundo os dados da AEMET, a última vez que a temperatura meia anual foi inferior a 12º foi em 1986, quando na década dos 50 houvo cinco anos com essa meia. Amais, um ano relativamente frio comparado com os do seu entorno, como foi o 2000 (12,81º) ou o 2008 (12,52º) apresenta os mesmos dados que anos “cálidos” de cinquenta anos antes, como 1945 (12,53º) ou 1949 (12,96). Em toda a década dos 60, a primeira vez que se superam os 13º de meia, isto só acontece umha vez, mais entre 2000 e 2009 ocorreu em seis ocasions.

É mais doado de comprovar vendo a evoluçom da temperatura meia por décadas:

As tendência é bem clara.

Que pode ocorrer? Isso queda para vindeiros posts. Em breve aguardo ampliar os dados, fazer comparativas por cidades, obter umha vissom global da Galiza, e sobre todo melhorar algo a visualizaçom, mas as evoluçons ao longo do tempo som mais doadas de entender com estas gráficas (creio).

Todo seja por entender (ou intentar entender) o mundo arredor de nós.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s