comment 0

Sempre Rosalía

A passada quinta-feira, Rosalía de Castro volveu passear pola cidade que a viu nascer da mão dos centos de pessoas que quisemos lembra-la e reivindica-la no 125 aniversário da sua morte. Um acto fermoso e emotivo, ainda que talvez um pouco longo, que conseguiu sacar a rua umha figura das nossas letras fora dos rituais do 17 de Maio.

O acto, organizado pola Asociación de Escritores en Lingua Galega, percorreu as ruas de Compostela seguindo a rota do cadaleito da  poetisa desde a estaçom de comboios até a Bonaval, com paradas nas praças do Toral, a Universidade e do Pam. Em cada umha delas forom lidos vários dos poemas mais conhecidos de Rosalía.

Foi especialmente positiva a presença de gente além do nacionalismo, porque se bem as e os mais conscientizados com a defesa de todo aquilo que nos identifica como povo somos os que formamos este movimento político, nom som exclusivos de nós. A pesar disto chama bastante a atençom a atitude do Concelho de Santiago ante o feche do Panteom de Galegos Ilustres, em teoria propriedade municipal, no que o BNG é responsável de Cultura.

Precisamente o feche do Panteom ao passar a mãos da Igreja fixo mais necessária que nunca reivindicar a figura dessa mulher que ergue a sua voz no século XIX, que algum quixerom calar camuflando-a entre choros e lamentos. Nom forom capazes. Ai estam os estudos de Francisco Rodríguez e de Maria do Pilar García Negro, e todas as vozes femininas que se escuitam na nossa literatura. Algumas puxerom voz aos poemas lidos ao longo da cidade, como Estívaliz Espinosa, Marta Dacosta ou Teresa Moure, por nom falar de MaríaXosé Quizán ou Rosa Aneiros.

Nelas, e em todas e todos os que luitamos por dignificar e estender a nossa língua na terra onde nasceu, Rosalía está e estará sempre presente como símbolo da luita dum povo polo seu lugar  no mundo.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s