comment 0

Pequenos prazeres


O marco da feira compostelana é Passeio dos Leons, mais o vento do norte que estes dias sacude a capital nom ajuda a gozar da busca com tranquilidade. Há para todos os gostos. Novelas, poesia, ensaio, enciclopédias um tanto desfasadas entre as que achar algo interessante. No meu caso, estes três livrinhos:Na vida há pequenos prazeres dos que gozar. Cada quem tem os seus, e alguns desfrutamos tremendamente nas livrarias e feiras de livros de segunda mão, como a que estes dias tem lugar em Compostela. Revolver entre exemplares velhos, gastados, na busca de obras raras e mui difíciles de conseguir em livrarias convencionais. Entre livros de cocinha e centos de volumes de promoçons de jornais sobressaem essas pequenas maravilhas, essas portadas dos anos 70 e 80, velhas ediçons de editoras hoje desaparecidas, mais que ganham com o pouso do tempo.

  • Abriendo el Surco. Manual de lucha agraria: Um pequeno tesouro agachado entre obras de Cela. Obra de Basilio Álvarez, este livro recolhe muitos dos discursos do cura Beiro e líder das loitas agraristas do primeiro terço do s. XX. Reeditado por Akal nos anos 70, na mítica colecçom Arealonga (onde veria a luz a primeira ediçom do Sempre en Galiza de Castelao na península), recupera um daqueles textos que animou as lutas das que sairiam boa parte dos líderes do nacionalismo galego de preguerra. Um tesouro.
  • Algunos problemas actuales del socialismo: Um pouco de marxismo, mas nom do râncio. Paul Sweezy (um desses raros norteamericanos marxistas, fundador da Monthly Review) e Charles Bettelheim buscar dar resposta as questons surgidas após a invasom de Checoslováquia ou as relaçons entre o partido e o estado nas sociedades pós-revolucionárias.
  • Reportaje sobre China: Nom podia faltar algo de jornalismo. Este pequeno volume recolhe as reportagens do sueco Olof Lagercrantz, o primeiro jornalista que visitou China após a Revoluçom Cultural. É um desses livros que cumpre ler de forma crítica, já que está contado através da óptica dum ocidental e para um meio de comunicaçom empresarial. A ver que tal está.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s